Rev 1 | GbrGAW | STEP | Littafi ye kpe anya, anyaya n ɓa ɓa zhin esa fyewyi, n Yesu Kristi asesemi, Shekwoyi ɓei ga wo Izini ge wo kpe ɓa nya ya wu Yohanna owo bara. A tnu n Malaikayi n eshe wa ɓe wa wu wo oɓa awyega.

Revelation of John 1

1 Littafi ye kpe anya, anyaya n ɓa ɓa zhin esa fyewyi, n Yesu Kristi asesemi, Shekwoyi ɓei ga wo Izini ge wo kpe ɓa nya ya wu Yohanna owo bara. A tnu n Malaikayi n eshe wa ɓe wa wu wo oɓa awyega. 2 Yohanna wa kaɓa kpe vinya, Shekwoyi ɓeda, n Yesu Kristi yi n na aɓei vinya n wo ɓei wo, woi ce woi gye.

3 Nha ba anabci ye dna ikklisiya ai wo, ho ɓa gwo anabarka n Dagayi. Aza nɓa wo ɓa knatunbua ɓa zhin oɓo n kwa da ɓa bwa anabarka. Gama esa la wo viwyi n na aɓeye vinya ɓa zhin.

4 Daga Yohanna, zuwa a ekilisiya n gun tnaba n ɓa fi n Asiya nyi, Turki. Omi anugundo, Alheri, n bugbafuyi, nɓa kun n Shekwoyi aba, nwo nyi nyi, n wo ɓei nyi, woi ye wa ɓe, n na zafun ngun tnabayi nɓa zhi n wo abye nyi. 5 N Yesu Kristi yi n wa nu egbe woi wuyi gaiciya vinya nyi. Owo nu zhin Kmisunyi n wo ɓei lakala n efi, to wa shan fin. Wo du esu dohodohoyilo n esayi vinya, n wa loyiya, n yi alaifi, shi wa ze owo ami ya ntu yi ɓo nyi. 6 Wola yi yezhi fi n owo ebemi, wa zeyi a pirist Shekwoyi owo Dada anya. Fye gawo mwa-mwa nyalo-nyal-o nya, wo gyi ebe nyalonyalo Amin.

7 Gyewye, wo zhilo, n na anyi yi shewo gun, awye vinya ɓa gyewo, e, aza nɓa ɓei fin wo eshanyi, Akni vinya ɓei cibwi ɓai wun bugba esa nwa ɓe ncei. E, Amin, ko ze nlonu.

8 Ominu zhin A n Z yi, kmisunyi n kmaknayi, anya vinya n ya Shekwoyi na dace n wo zhin Dagayi nyi, oza nwo ikoyi vinya nyi, n wo nyin, woi ɓei nyi, woi ɓelo njesun.

9 Ominu, efye zado, Yohanna, wahala kun-sunyi ntu n Yesu ɓo, n wo ka fye wasika ye, emihin ce, mila hakuri bwa n Yesu ga, yi ɓei gyi ebe n woyi. Mi ɓei tu n muse n na yi kwo ge Batmus, n na ɓei nyami ya ntu ge mi zhin Shekwoyi ɓeda waʼazi, mi-i da oɓo n mi kpeyolo n Yesu Kristi tukwo.

Yohanna Wa Gye Mwa-mwa

10 Dagayi nyipyeyi nu ɓei, mi-i gawo mwa-mwa, esa fyewyi mawo begye yakwo n mi avun, begye n wo n gye a bye kna-knaci. 11 Kwoi ci ge, “Ominu zhin A n Z yi. Kmisunyi n kmazoyi,” Nna vun ma wowo woi cige, “Ka anya vinya n ha gye, ha tnun n ho wasika yi n na ikklisiya ngun tnaba aba, n ɓa fi n Turki nyi. Ikklisiya n Afisus, n doi n kwo dna n Simiruna nyi, n na adoyi n ɓa fi n Pargamus, Thiatira, Sardisu, Filadalfiya, n Lawudikiya yi nyi.”

12 Esa n mi ɓei kpe awye ma gye oza n wo daɓo n miyi, nɓo n mi avun ma gye a kandle busi ngun tnaba zinariya nya, n gni agni zhin. 13 Ma gye zaho gni agni dna n ɓa atasin, ngye Yesu nwo yi wohin ge, Oza nugun, n eje Yakwoyi kpe n cei pa n na agu n zinariya belt yi. 14 Owo apita nwu n bui-bui ngye lulu kwo snow, owo awye wu ngye ena gwogwoyi. 15 Owo apita ɓai bmiyana n gye sinkna byei prnia-pmiaiya. Owo begye kwoi Sawyi ngye a nuwandokwo n ɓa luya n na akuta. 16 Wo n na a kpasi tnabayi shi n wo bwai-zhe bwa, n ebe yakwoi shi n Gyi-gyi-yi asepa aba-ba n owo gbe, owo awyeba ɓai bmiyana ngye nyi-pyei n kwo wo n tna anyi n ɓa ɓa gwo kwo ya.

17 – 18 Esa n mi ɓei gyewo ncei. Ma miya shi n wo apita ba ngye zafi, amma wa tomi bwa n wo bwaizhebwai wa cimi ge, To wo ednan, kwoda yake emi nu zhin, Kmisunyi n kmaknayi. Wye-wyeyi da n wo ɓei fi, woi wye-wyeyi lo nsai ye nyalonyalo, n wo n na a mabudi anapi nya yi n efi nyai nyi–to wo ednan. 19 Ka enya n ho ye bwagye nyi, n na anyai n na ɓa wuho esafyewyi. 20 Akpasu tnaba n ha gye n mi bwai-zhe bwa nyi, n na kandle busiyi ngun tnaba nyi, oɓa awyega nu nyi. Akpasu ngun tnaba oɓanu zhin a ikklisiya tukwoda ngun tnaba, a kandle busi ngun tnaba, oɓa nu zhin a ikklisiya.